❱❱ मिशन नवोदय 2023 ❰❰ 

  खालील उतारा काळजीपूर्वक वाचा व त्यावरील प्रश्नांची उत्तरे शोधा

     〇 उतारा 10 〇 

════════════════

             दुर्गम भागात फिरताना तीन साधुना एक झोपडी दिसते, ते झोपडीचा दरवाजा वाजवतात. घरातील महिला त्यांच्याकडे विचारणा करते,"आपण कोण आहात? आणि आपल्याला काय हवे आहे?" ते म्हणतात,"आम्ही तिघे भुकेले आहोत, अन्नाची काही व्यवस्था करा." झोपडी बाहेरील झाडाखाली विश्रांती करण्याची विनंती करत महिला पुन्हा घरात गेली, काही काळानंतर बाहेर येत ती तिन्ही साधूना जेवणासाठी आमंत्रित करते. तेंव्हा साधू म्हणतात," आमच्यापैकी केवळ एकचजण फक्त तुझ्या घरात प्रवेश करू शकतो." महिला आश्चर्यचकित होते व विचारते," असे का? भूक तिघानाही लागली आहे. पण येणार मात्र एकचजण?" साधू म्हणतात," हा आमच्यातील करार आहे. आमच्यातील एक "वैभव" आहे. तर दुसरा "यश" आणि तिसरा "प्रेम". आता तू ठरव कि आमच्यातील कोणाला आत बोलवायचे?" महिला गोंधळून जाते.

     ती पुन्हा घरात जाते, नवऱ्याशी चर्चा करते आणि बाहेर येते व "प्रेम" नावाच्या साधूला जेवणासाठी निमंत्रण देते. प्रेम घरात येताच त्याच्या पाठोपाठ "वैभव" आणि "यश" साधू पण जेवणासाठी घरात येतात. महिला पुन्हा गोंधळून जाते, तेंव्हा साधू म्हणतात," मुली ! तू प्रेम मागितले, त्या पाठोपाठ यश आणि वैभव तुझ्या घरात प्रवेशकर्ते झाले, पण तू वैभव किंवा यश यांना जर पाचारण केले असते तर आमच्यातील दोघे उपाशी राहिले असते." महिलेने तिघांचे यथायोग्य स्वागत करून त्यांचे आदरातिथ्य केले.

1) वरील उताऱ्यात किती व्यक्तिचा उल्लेख आलेला आहे ? 

A) 2  B)   3   C)  4   D) 5

2) दुर्गम म्हणजे ....

A) दुर्मिळ B)  जाण्यास कठिण   C)  दुरवरचे  D) सहज जाता येणारे

3)तिघा साधूनी महिलेकडे कशाची याचना केली ?

 A) पाण्याची  B)  जेवणाची   C) विश्रांतीची   D) कपडयाची

4) बोलावणे या शब्दासाठी उताऱ्यात आलेला शब्द कोणता ?

A) पाचारण करणे B)   निमंत्रण देने   C)  आमंत्रित करने  D) वरील सर्व पर्याय बरोबर

5) साधुना झाडाखाली बसण्याची विनंती करून महिला घरात गेली ?

A) काम आवरायला  B) किती वाजले बघायला   C) पतिशी  चर्चा करायला  D) अश्याने ते साधु कंटाळून निघुन जातील म्हणून

6)महिला आश्चर्यचकित होते कारण ---

A) तिनही जणांना जेवायचे असते  B) साधु आपल्याच घरी का आले असावेत    C) तिघाना भूक असून केवळ एकच जन आत येणार  D) साधुचा आड़मुठ पणा पाहुन 

7) खालील पैकी कोण साधुच्या रुपात नव्हते

A) वैभव B)   यश   C) माया    D) प्रेम

8) जर महिलेने वैभव किंवा यश याना घरात बोलावले असते तर ....

A) महिला श्रीमंत झाली असती  B) इतर दोघे उपाशी राहले असते   C) साधु नाराज झाले असते D) यापैकी नाही 

9 )पाहुणचार या अर्थाने उताऱ्यात आलेला शब्द

A) दुर्गम  B)  यथायोग्य  C) आदरतिथ्य D) स्वागत

10) वरील उताऱ्यात किती व्यक्तिचा प्रत्यक्ष उल्लेख आलेला आहे ?

A) 2  B)   3   C)  4   D) 5

  vijaygiri143.blogspot.com 

🥇📚🥇📚🥇📚🥇📚🥇📚🥇📚

 💥🌈अखेर शिष्यवृत्ती परीक्षा अंतरिम निकाल २०२२ जाहीर 

Scholarship Exam Interim Result 2022

🔷 शाळेचा एकत्रीक निकाल

हा  निकाल पाहण्यासाठी आपल्याकडे शाळेच्या udise व पासवर्ड असणे आवश्यक आहे . खालिल लिंक वरुन निकाल पाहू शकता⬇️⬇️⬇️⬇️⬇️

🌀विद्यार्थ्यांचा वैयक्क्तिक निकाल याठिकाणी आपण पाहू शकता.⤵️

(फक्त बैठक क्रमांक आवश्यक)

➡️सर्व विद्यार्थी व शिक्षकांपर्यंत पोस्ट शेयर करा.

🎯📚मिशन नवोदय 2023🎯📚

🪔दीपावली गृहपाठ 🪔

दिनांक 23/10/22

         ▪️उतारा क्र 2▪️

खालील उतारा काळजीपूर्वक वाचा व त्यावरील प्रश्नांची उत्तरे लिहा

      मेंदू , स्नायू व उतींच्या विविध आजारावर सुका मेवा उपयुक्त आहे. विशेषतः बदाममध्ये मध्ये मेंदूची कमजोरी दूर करण्यासाठी व ते मजबूत करण्यासाठी अद्वितीय गुणधर्म आहेत. बदाम मेंदूचे चैतन्य टिकवून ठेवते , स्नायू मजबुत करते, मज्जातंतू आणि पित्तविषयक विकारांपासून उद्भवणारे रोग नष्ट करते. 

      अक्रोड हे आणखी एक ड्राय फ्रुट आहे ज्यामध्ये मेंदूची कमजोरी दूर करण्याचे गुण आहेत. डॉ जॉन्सन यांचे मते बदाम , अंजीर , द्राक्षे , खजूर , सफरचंद, संत्री या मध्ये भरपूर फॉस्फोरीक घटक असतात ते सामान्यतः मेंदूचे काम करणार्यांनी गरजेचे असते. फॉस्फरस शरीरातील महत्वाच्या उतींचे पोषण करते. त्यामुळे मन अधिक कामासाठी उत्साही राहते.

       1) सुकामेवा उपयुक्त आहे कारण ते...

A) आपले हृदय मजबूत करते. 

B) मेंदू , स्नायू व उतीचे विविध रोग बरे करतात

C) आपला आत्मविश्वास वाढवितात.

D) आव्हानात्मक कार्यासाठी आपल्याला सक्षम करतात.

2) पुढीलपैकी कोणता बदामाचा गुण नाही

A) हे मेंदूचे चैत्यन्य टिकवून ठेवते.

B)ते स्नायूंना बळकट करते.

C) ते मज्जातंतू व पित्तविषयक विकारापासून निर्माण होणारे रोग बरे करते.

D) ते आपली पचनसंस्था मजवूत करते.

3) फॉस्फोरीक घटक मोठ्या प्रमाणात आढळतात

A)बदाम , अंजीर , पेरू , चिकू , सफरचंद, संत्री

B) हिरव्या पालेभाज्या

C)बदाम , अंजीर , द्राक्षे , खजूर , सफरचंद, संत्री 

D) हंगामी फळे

4) मेंदूचे काम करणाऱ्यांनी  फॉस्फोरीक घटक असलेली फळे खावीत..

A) ते मेंदूची कमजोरी दूर करतात.

B)ते मन उत्साही ठेवतात.

C) ते शरीराच्या महत्वाच्या उतींचे पोषण करते.

D) वरील सर्व 

5)अद्वितीय म्हणजे....

A) सामान्य

B)उच्च पात्र

C)असामान्य

D) प्रबुद्ध

📝 प्रश्ननिर्मिती -

*श्री विजय गिरी सर*

880577729

https://vijaygiri143.blogspot.com

🪔🎉🪔🎉🪔🎉🪔🎉🪔🎉🪔🎉

 🎯📚मिशन नवोदय 2023🎯📚

    🪔 🪔 दीपावली गृहपाठ🪔🪔

दिनांक 22/10/22

             उतारा क्र 1

खालील उतारा काळजीपूर्वक वाचा व त्यावरील प्रश्नांची उत्तरे लिहा

       एक राजा आपल्या कुत्र्यासोबत होडीतून जात होता. कुत्रा याआधी कधी होडीत न बसल्याने त्याला हे सगळं नवीन होत. त्यामुळे तो अस्वस्थ होऊन उड्या मारू लागला भुंकू लागला.

      त्याचा सह-प्रवाश्यांना त्रास तर होऊ लागलाच, पण होडी चालणारा नावाडी ही हैराण झाला. होडीत अशीच परिस्थिती राहीली तर नाव पलटू शकते.* *स्वःता तर बूडेन बरोबर सगळ्याना घेऊन बूडेल.

        राज्याच्या लक्षात ही गोष्ट आली तो ही कुत्र्याला शांत करण्याचा प्रयत्न करू लागला पण कुत्रा तो कुत्रा. तो पहील्यापेक्षा जास्त गडबड करू लागला.

       हे पाहून एक हुशार प्रवासी पुढे आला आणि राज्याला विनम्रपणे म्हणाला "महाराज, मला जर परवानगी दिली तर मी या कुत्र्याला गरीब मांजर बनवतो."

     राज्याने होकार देताच त्या प्रवाश्याने तीन चार प्रवाश्यांच्या मदतीने कुत्र्याला उचलले आणि पाण्यात फेकून दिले.

      कुत्र्याच्या नाका-तोंडात पाणी शिरू लागले श्वास घेणे मुश्किल झाले. शेवटी जिवाच्या आकांतने नावेचा आधार घेऊन तो तरंगू लागला. त्याला नावेची गरज लक्षात आली.

       थोड्या वेळात त्याला ओढून नावेवर घेतले आणि तो चुपचाप एका कोपर्‍यात जाऊन बसला.

1) सहप्रवाशाने कुत्र्याला पाण्यात फेकून दिले कारण -

A)  त्याला कुत्र्याची मजा घ्यायची होती.  

B) कुत्र्याला पोहता येते की नाही ते पहायचे होते

C) कुत्र्याला त्रासाचा अनुभव देऊन शांत करायचं होतं

D) कुत्र्याच्या नाकातोंडात पाणी घालायचे होते.

2) कुत्रा अस्वस्थ होऊन उड्या मारत भुंकू लागला कारण -

A) त्याच्या नाकातोंडात पाणी शिरू लागले.

B)त्याच्यासाठी होडीतील प्रवास नवीन होता. 

C)थोड्या वेळाने होडी बुडणार होती. 

D) त्याला स्वःताचा जीव वाचवायचा होता.

3) अनुमती या अर्थाचा उताऱ्यात आलेला शब्द -

A) आकांत

B)तरंगणे

C)विनम्रपणे

D) परवानगी

4) नाव पलटली असती----

A) जर अजून एक दोन जण बसले असते

B)कुत्रा बाहेर फेकला असता

C) कुत्रा उड्या मारत राहला असता

D) नावाडी नावेत नसता तर

5)नावेत तयार झालेल्या समस्यावर कुणी मार्ग काढला

A) राजाने

B)नावड्याने

C)कुत्र्याने

D) सह प्रवाश्यांने

6 )उताऱ्याचे तात्पर्य काय ?

A) कुत्र्याला प्रवासाला नेऊ नये.

B) कुत्र्याला मांजर बनविणे. 

C)प्रवासात हुशार मित्र असावेत

D) स्वतः वर प्रसंग आल्याशिवाय परिस्थिती चे गांभीर्य समजत नाही.

7) उताऱ्यातून प्रवाश्यांचा कोणता गुण दिसून येतो?

A) स्पष्टवक्तेपणा

B) सभाधीटपणा

C) प्रसंगावधान

D) वक्तशीरपणा 

8)कुत्रा चुपचाप एका कोपऱ्यात जाऊन बसला कारण -

A) त्याची खोड जिरली होती.

B)त्याला थंडी वाजू लागली

C)त्याला भीती वाटू लागली

D) तो बदला घेण्याचा विचार करू लागला. 

📝 प्रश्ननिर्मिती -

श्री विजय गिरी सर* *880577729

▪️▪️▪️▪️▪️▪️▪️▪️▪️▪️

 जवाहर नवोदय विद्यालय प्रवेश परीक्षा निकाल जाहीर 

      यशाची परंपरा या वर्षीही ...5 विद्यार्थ्यांची निवड

          सन 2021 - 22 चे पात्र विद्यार्थी 

        

        ❱❱ मिशन नवोदय 2023 ❰❰ 

   दिनांक - 26/07/2022

▪️खालील उतारा काळजीपूर्वक वाचा व त्यावरील प्रश्नांची उत्तरे शोधा

     〇 उतारा 9 〇 

  खालील उतारा काळजीपूर्वक वाचा त्यावरील प्रश्नांची उत्तरे लिहा

 धुळीने भरलेले दोन प्रवासी. थकलेले, भागलेले, वणवण उन्हामध्ये उघडया रखरखीत रस्त्यावरून चालत होते. डोक्यावर भयंकर ऊन 'मी' म्हणत होते. इतक्यात रस्त्याच्या कडेला त्यांना एक मोठे झाड दिसले. मोठया आनंदाने ते तिकडे वळले. त्यांनी झाडाखाली आसरा घेतला. विसाव्यासाठी त्यांनी तिथेच बसकण मारली. दूरदूर विस्तारलेल्या झाडाच्या फांद्यांमुळे तिथे बराच गारवा होता. प्रवाश्यांचा कासाविस जीव झाडाच्या सावलीमध्ये सुखावला.

विश्रांती घेता घेता तिथे पहुडलेल्या एकाची नजर झाडाच्या फांदीकडे गेली. तो आपल्या सहप्रवाशाला म्हणाला, 'फुकट हे एवढं मोठ्ठं झाड आहे. फळं धरत नाही. काही नाही. काय उपयोग या झाडाचा माणसाला? '

ते ऐकल्यावर संतापून झाड म्हणाले, 'किती कृतघ्न रे तूं ! तापलेल्या उन्हातून इथे आलास तो माझा आसरा घेण्यासाठी. या क्षणी प्रत्यक्ष माझ्या सावलीत बसलेला आहेस, तरीसुध्दा तू मला निरूपयोगी म्हणून हिणवत आहेस...'

प्रश्न 1) झाडाखाली खूप गारवा होता कारण - 

A) उन्हाळा होता

B) झाड सावलीत होते

C) झाडाच्या फांद्या विस्तीर्ण होत्या.

D)नुकताच पाऊस पडला होता.

2) कृतघ्न म्हणजे ....

A) केलेले उपकार जाणणारा 

B)केलेले उपकार  न जाणणारा

C) देवाला न मानणारा 

D) देवाला मानणारा

3) ऊन "मी" म्हणत होते म्हणजे .....

A) खूप कडक ऊन होते

B) ऊन उतरत चालले होते

C) ऊन बोलवत होते 

D) ऊन सौम्य होते

4) व्याकुळ होणे या अर्थाचा उताऱ्यात आलेला वाक्यप्रचार कोणता ? 

A) आसरा घेणे

B)कासावीस होणे

C) बसकन मारणे

D) मी म्हणणे

5) उताऱ्याचे तात्पर्य काय ? 

A) उन्हाळ्यात उगाच बाहेर फिरू नये.

B) कृतघ्न शेवटी कृतघ्नच असणार

C) जास्त ऊन असतांना झाडाखाली बसावे.

D) कुणालाही मदत करून नये. 

6) उपयोगी या शब्दाचा विपरीत अर्थ असलेला शब्द ....

A) उपयुक्त 

B) निरुपयोगी

C) विस्तारलेला 

D) गरजवंत

प्रश्न निर्मिती - विजय रा गिरी 

जि प व प्रा शाळा शेलु खडसे 

ता रिसोड जि वाशिम 8805577729

http://vijaygiri143.blogspot.com

▪️▪️▪️▪️▪️▪️▪️▪️▪️▪️▪️

 🎯💫मिशन नवोदय💫🎯

दिनांक - 23/6/2022  

📚आजचा गृहपाठ

प्रश्न :- खालील संख्या अंकात लिहा. 

1) साडे तीन हजार 

2)पावणे नऊ हजार

3)सव्वा सहा लक्ष

4)अडीच लाख

5)पावणे नऊ लाख

6)सव्वा आठ लाख

7)पावणे चार हजार

8)साडे सात लाख

9) सव्वा चारशे

10) पावणे आठशे

11) साडे बारा हजार

12) साडे तीन लाख

13) साडे सात हजार

14) सव्वा दोन हजार

15)साडे आठ हजार

16) पावणे दहा लाख

17)सव्वा लाख

18)पावणे आठ लाख

19)दीडशे

20) अडीचशे

21)पावणे तीनशे 

22) सव्वा आठशे 

23) सव्वा सात लाख

24) साडे नऊ हजार

25) पावणे अकरा शे

*📝 विजय गिरी सर*

▪️▪️▪️▪️▪️▪️▪️▪️▪️▪️▪️