📚📚 मिशन नवोदय 2022 📚📚

            💥उतारा वाचन 6💥

  खालील उतारा काळजीपूर्वक वाचा त्यावरील प्रश्नांची उत्तरे लिहा

 धुळीने भरलेले दोन प्रवासी. थकलेले, भागलेले, वणवण उन्हामध्ये उघडया रखरखीत रस्त्यावरून चालत होते. डोक्यावर भयंकर ऊन 'मी' म्हणत होते. इतक्यात रस्त्याच्या कडेला त्यांना एक मोठे झाड दिसले. मोठया आनंदाने ते तिकडे वळले. त्यांनी झाडाखाली आसरा घेतला. विसाव्यासाठी त्यांनी तिथेच बसकण मारली. दूरदूर विस्तारलेल्या झाडाच्या फांद्यांमुळे तिथे बराच गारवा होता. प्रवाश्यांचा कासाविस जीव झाडाच्या सावलीमध्ये सुखावला.

विश्रांती घेता घेता तिथे पहुडलेल्या एकाची नजर झाडाच्या फांदीकडे गेली. तो आपल्या सहप्रवाशाला म्हणाला, 'फुकट हे एवढं मोठ्ठं झाड आहे. फळं धरत नाही. काही नाही. काय उपयोग या झाडाचा माणसाला? '

ते ऐकल्यावर संतापून झाड म्हणाले, 'किती कृतघ्न रे तूं ! तापलेल्या उन्हातून इथे आलास तो माझा आसरा घेण्यासाठी. या क्षणी प्रत्यक्ष माझ्या सावलीत बसलेला आहेस, तरीसुध्दा तू मला निरूपयोगी म्हणून हिणवत आहेस...'

प्रश्न 1) झाडाखाली खूप गारवा होता कारण - 

A) उन्हाळा होता

B) झाड सावलीत होते

C) झाडाच्या फांद्या विस्तीर्ण होत्या.

D)नुकताच पाऊस पडला होता.

2) कृतघ्न म्हणजे ....

A) केलेले उपकार जाणणारा 

B)केलेले उपकार  न जाणणारा

C) देवाला न मानणारा 

D) देवाला मानणारा

3) ऊन "मी" म्हणत होते म्हणजे .....

A) खूप कडक ऊन होते

B) ऊन उतरत चालले होते

C) ऊन बोलवत होते 

D) ऊन सौम्य होते

4) व्याकुळ होणे या अर्थाचा उताऱ्यात आलेला वाक्यप्रचार कोणता ? 

A) आसरा घेणे

B)कासावीस होणे

C) बसकन मारणे

D) मी म्हणणे

5) उताऱ्याचे तात्पर्य काय ? 

A) उन्हाळ्यात उगाच बाहेर फिरू नये.

B) कृतघ्न शेवटी कृतघ्नच असणार

C) जास्त ऊन असतांना झाडाखाली बसावे.

D) कुणालाही मदत करून नये. 

6) उपयोगी या शब्दाचा विपरीत अर्थ असलेला शब्द ....

A) उपयुक्त 

B) निरुपयोगी

C) विस्तारलेला 

D) गरजवंत

प्रश्न निर्मिती - विजय रा गिरी 

जि प व प्रा शाळा शेलु खडसे 

ता रिसोड जि वाशिम 8805577729

http://vijaygiri143.blogspot.com

▪️▪️▪️▪️▪️▪️▪️▪️▪️▪️▪️

🎯 प्रयोगशील शिक्षक भाऊसाहेब चासकर यांचा अध्ययन- अध्यापनाचा एक नावीन्यपूर्ण प्रयोग म्हणजे #माइंड_मॅप!!

              "माइंड मॅप" ही ऍक्टिव्हिटी म्हणजे वर्गातील प्रत्येक मुलांला बोलते करणारी  त्याच शिकण सोपं करणारी व 

  कल्पना शक्तीला वाव देणारी कृती . आता हा अनमोल ठेवा फ्लिपबुक स्वरूपात भेटीस आला आहे ही आनंददायी बाब आहे 🙌🏻 

फ्लिपबुक स्वरूपात बघण्यासाठी खालील चित्रावर क्लिक करा.

👇👇👇

 

 🏆 नवोदय निकाल 2021🏆

विद्यार्थी मित्र, पालक आणि शिक्षक बधू-भगिनी सस्नेह नमस्कार 🙏😊

नवोदय विद्यालय प्रवेश परीक्षा २०२१ चा निकाल लागला असून खालील लिंक वर आपण आपला रोल नंबर व जन्म तारीख टाकून जवाहर नवोदय विद्यालय प्रवेश निश्चित झाला किंवा नाही ते पाहू शकता.

 नवोदय परीक्षा 30/04/2022

विद्यार्थी मित्रांनो नमस्कार 🙏😊

जवाहर नवोदय विद्यालय प्रवेश परीक्षा वर्ष - 2022 चे फाॅर्म भरणे चालू झाले आहेत.

आपल्या शाळेतील शिक्षकांशी संपूर्क साधून लवकरच फाॅर्म भरून घ्या.

परीक्षेची तारीख

30/04/2022

फार्म भरण्याची शेवटची तारीख

30/11/2021

➖➖➖➖➖➖➖➖➖➖➖➖➖➖➖➖➖➖➖➖➖➖

 16 सप्टेंबर: ओझोन दिन माहिती ...

१९९५ सालापासून दरवर्षी १६ सप्टेंबरला संयुक्त राष्ट्र संघटनेच्या (UN) पर्यावरण कार्यक्रम विभागातर्फे “आंतरराष्ट्रीय ओझोन दिन” साजरा केला जातो.

ओझोन थराच्या संरक्षणासाठी १९८७ साली ह्या दिवशी कॅनडातील मॉन्ट्रिएल शहरात जगभरातील प्रतिनिधींनी एका आंतरराष्ट्रीय करारावर सह्या केल्या.

हा करार होता ओझोनच्या थरास हानीकारक ठरणार्‍या पदार्थांचा वापर कमी करण्यासाठी उपाययोजना करण्याचा.

पृथ्वीला आणि पर्यायाने पृथ्वीवासीयांना घातक गोष्टींपासून वाचवणार्‍या ओझोन थराचे संरक्षण करण्याबाबत सजगता निर्माण करण्यासाठी संयुक्त राष्ट्र संघटना प्रयत्नशील असते.

पृथ्वीच्या पर्यावरणाला हानी पोहोचवण्यामध्ये मानवी घटक सहभागी असल्याची जाणीवही हा दिवस आपल्याला करून देतो.

ओझोन हा वातावरणामध्ये नैसर्गिकरीत्या आढळणारा एक वायू आहे. ओझोनच्या एका रेणूमध्ये ऑक्सिजनचे तीन अणू असल्यामुळे ओझोनचे रासायनिक सूत्र O3 असे लिहितात.

क्रिस्टियन फ़्रेडरिक स्कोएनबेन ह्या जर्मन-स्विस रसायनशास्त्रज्ञाने १८४० साली ओझोनचा शोध लावला.

ग्रीक भाषेतील वास घेणे ह्या अर्थी असलेल्या “ओझेइन” ह्या शब्दापासून ओझोन हा शब्द तयार झाला आहे.

ओझोन हा वातावरणाच्या मुख्यत: दोन थरांमध्ये आढळतो. वातावरण म्हणजे प्रत्येकी १ किमी उंचीच्या १४० मजल्यांची इमारत आहे असे मानले, तर १६ मजल्यांपर्यंतचा (जमिनीपासून १० ते १६ किमीपर्यंतचा) वातावरणाचा थर म्हणजे तपांबर (troposphere).१७ ते ५०व्या मजल्यांपर्यंतचा (तपांबराच्या वर ५० किमी ) थर म्हणजे स्थितांबर.

ओझोनच्या वातारवणातील एकूण प्रमाणाच्या १० टक्के ओझोन तपांबरात तर उरलेला ९० टक्के ओझोन स्थितांबरामध्ये (stratosphere) आढळतो.

16 सप्टेंबर: ओझोन दिन माहिती व ओझोनचा थर शोध

स्थितांबरातील ओझोनच्या ह्या मोठ्या प्रमाणामुळे ह्या थराला “ओझोनचा थर” असेही म्हणतात. ओझोनचे वातावरणातील प्रमाण सर्वत्र सारखे नसते.

ओझोनचे प्रमाण विषुववृत्तीय प्रदेशावर कमी तर ध्रुवीय प्रदेशांवर सर्वाधिक असते.

जैविक पदार्थांच्या दहनातून, तसेच काही वायू आणि प्रदूषकांतील नैसर्गिकरीत्या घडणार्‍या रासायनिक अभिक्रियांमधून निर्माण होणारा ओझोन हा तपांबरातील (troposphere) ओझोनचा मुख्य स्रोत. तपांबरातील ओझोन हा प्रदूषक आहे.

तपांबरामध्ये ओझोनचे प्रमाण वाढल्यास ते शेत्योत्पादनास तसेच जंगलांच्या वाढीस मारक ठरू शकते. फुफ्फुसांची क्षमता खालावणे, खोकला, घशाचे विकार वगैरेंसारख्या विविध श्वसनविकारांना आमंत्रण देते. ओझोनच्या विषारी गुणधर्मांमुळे हे श्वसनविकार मृत्यूसही कारणीभूत ठरू शकतात.

💐 विनम्र अभिवादन 💐

शिक्षक दिन भारतीय संस्कृतीत आईनंतर सर्वांत महत्त्वाचे स्थान आहे ते आपल्या गुरुला.आपली आई जशी मुलांवर संस्कार करते, तसा गुरु हा मुलांना घडवण्याचे तसेच त्यांना सक्षम करण्याचे काम गुरु करत असतो.आपल्या जीवनात शिक्षकाचे स्थान हे अनन्यसाधारण असे आहे.कळत नकळत आपण आपल्या शिक्षकांकडून अभ्यासचे व जीवनाचे धडे घेत असतो.आणि आपली जडणघडण करण्यात शिक्षकांचा वाटा खूप मोठा असतो. त्यामुळे शिक्षक दिनाला भारतीय संस्कृतीत अधिक महत्त्व आहे. शिक्षक दिनानिमित्त आपण एक वेगळा उपक्रम म्हणून प्रश्नमंजुषा आयोजित करत आहोत.

खालील लिंक ला क्लीक करून टेस्ट सोडवा व आकर्षक प्रमाणपत्र मिळवा

शिक्षक दिन विशेष - वाशीम जिल्ह्यातील शिक्षणाला एका वेगळ्या उंचीवर नेणाऱ्या धडपड्या शिक्षकांची यशोगाथा प्रतिभावंत शिक्षक मित्र श्री निलेश तूळजापुरे सर यांचे लेखणीतून....

       

1) सातत्य , प्रचंड मेहनत,एक दीपस्तंभ ...विनोद झनक सर

साखऱ्याच्या शाळेची अधिकृत घंटा १०.३० ला वाजते. परंतू नवोदय च्या परीक्षेची तयारी करणाऱ्या विद्यार्थ्यांचा वर्ग सकाळी अगदी सात ला सुरू होतो. तिन्ही ऋतूत अविरतपणे या शाळेतील एक किमयागार शिक्षक श्री विनोद झनक सर सकाळी ६.५५ ला हजर असतात. सकाळी सात ला सुरु झालेला वर्ग सायंकाळी ६.वा संपतो. वाहुन घेणे या वाक्प्रचाराचा चालता बोलता अर्थ म्हणजे झनक सर आहेत. कमी वयात जवाबदारी स्विकारण्याची वृत्ती ही नैष्ठिक साधनेची सुरुवात असते. आपल्यातील आंतरउर्जेचा परिचय झालेली माणसे असलं व्रत बहुतेकदा मौन धारण करुन स्विकारतात. बडेजाव हा विषय नसतो. तो आयुष्याचा सहज भाग होवून जातो. म्हणून तर दिवाळीच्या दिवशी इतर लोक उत्सवात सर्व कामं सोडून मग्न असतांना त्याही दिवशी विनोद झनक सर आपल्या शाळेवर नवोदयचा वर्ग घेत असतात. साधनेत खंड नसतो.

            २००७ मध्ये रिसोड तालुक्यातील मांगुळ झनक या गावी सरांचा शिक्षक म्हणून सेवेचा प्रारंभ झाला. कुठल्याही क्षेत्रात स्थिर व्हायला साधारणतः तीन चार वर्षे लागतात. तंत्रज्ञानाशी पूर्णतः परिचय झालेला, उच्चशिक्षित आणि त्यातही कठोर मेहनतीचा वसा घेतलेला, नव्या संकल्पनांची आयुधे घेवून या क्षेत्रात जे अपेक्षित असतं अगदी तेच सर साधत गेले. नवोदय किंवा शिष्यवृत्ती ही स्पर्धा परीक्षेची ओळख घडविणारे उपक्रम आहेत. ग्रामीण भागातील हुशार मुलांचा शोध घेवून सर्व सुखसोयींनी युक्त अशा उभारलेल्या शाळा म्हणजे नवोदय विद्यालये होत. सरांनी आपल्या अफाट मेहनतीने नवोदय साठी यशस्वी केलेल्या विद्यार्थ्यांची आकडेवारी त्यांच्या ध्येयनिष्ठेची चुणूक दाखविणारी आहे.

          २०११-१२=०१ विद्यार्थी

          २०१२-१३=०१ विद्यार्थी

          २०१३-१४=०१ विद्यार्थी

          २०१४-१५=०४ विद्यार्थी

          २०१५-१६=०६ विद्यार्थी

          २०१७-१८=०२ विद्यार्थी

          २०१९-२०=०८ विद्यार्थी

          २०२०-२१=०८ विद्यार्थी

          २०२१-२२=०६ विद्यार्थी

            एकूण.    =३७ विद्यार्थी

नव्या शैक्षणिक संकल्पनांमध्ये शिक्षकांना एक सुंदर आणि काव्यमय विशेषण वापरलं आहे. "सुलभक" इंग्रजी facilitator या शब्दाचं ते भाषांतर आहे. पण मराठीत केवढा अर्थवाही झाला. तो सुलभक मनात किती तरी सुंदर भावनांचे तरंग उठवतो, पुन्हा पुन्हा आळवावासा वाटतो. झनक सरांची वरची आकडेवारी वाचली कि सुलभक हे नाव किती अचूकपणे योजले आहे याची कल्पना येवून त्यांच्या एकूण कार्याप्रती कृतज्ञता दाटून येवून हात आपोआप जुळतात.

                         साखऱ्याची शाळा हा विषय स्वतंत्र लिहावा असा आहे.  ज्ञानाच्या क्षितीजे रुंदावत असतांना त्यांना कवेत घेवू पाहणारी एक शाळा म्हणून तिच्याकडे बघता येईल. या शाळेवर हा सिद्धहस्त शिक्षक रुजू झाल्यावर त्यांना त्यांच्या कल्पना पूर्ण करण्यासाठी अवकाश लाभलं. या शाळेची शैक्षणिक पाया भरणी करणाऱ्यांपैकी एक असणारे तितकेच गुणी असणारे शिक्षक राजू महाले म्हणाले,"सर, लोक म्हणतात आम्हीही मेहनत घेतो पण झनक सरांचीच मुले कशी उतरतात? तर सरांच्या आणि इतरांच्या मेहनतीत जमीन आकाशाचे अंतर आहे" आपल्या सहकाऱ्या विषयी ते भरभरुन बोलत होतो. 

                       आठ दिवसांपूर्वी एन एम एम एस परीक्षेचा निकाल लागला. साखऱ्याच्या शाळेतील २३ पैकी तेवीसही विद्यार्थी उत्तीर्ण झाले. जिल्ह्यात पहिला आणि दुसरा क्रमांक प्राप्त करणारे विद्यार्थी याच शाळेचे होते. यातही मेहनत घेणाऱ्या पैकी विनोद झनक सर एक होते. हा निकाल ऐकला तेव्हा आनंदाने गोठून गेल्याप्रमाणे झालं. कोवीड या महामारीने सगळीकडे आंधारुन आलं असतांना प्रकाशाचा कवडसा पोहचविणारे योद्धे या ही काळात शड्डू ठोकून उभे होते. 

            "सर, जी मुले शिष्यवृत्ती, नवोदयची तयारी करतात त्यांना यश मिळो न मिळो पण ती स्वप्ने पहायला शिकतात, धडपडायला शिकतात" आपलं अनुभवजन्य ज्ञान झनक सर सहज सांगतात तेव्हा स्तब्ध होवून, लीन होवून ऐकण्यासारखी दुसरी पर्वणी नसते.

                 खरे तर त्यांच्या कार्याचा हा पसारा बघून खलील जिब्रानच्या कवितेची एक ओळ आठवते

तुम्ही आहात केवळ एक धनुष्य

ज्यातून सुटतील हे चैतन्याचे तीर

उद्याच्या दिशेने

'तो' धनुर्धारी दोरी ताणेल तेव्हा

वाका आनंदानं

बस! इतकंच!

असाच एक वाकणारा, विचारांचं एक विश्व उभारणारा माझ्या अवतीभोवती चा सुलभक म्हणजे विनोद झनक सर...

शब्दांकन- निलेश तुळजापुरे सर

फोन क्र- 7350430356

 💥 शिष्यवृत्ती परीक्षा answerkey 5 वी व 8 वी

12 ऑगस्ट 2021 रोजी महाराष्ट्र राज्य परीक्षा परिषदेच्या वतीने इयत्ता पाचवी व आठवीची शिष्यवृत्ती परीक्षा आयोजित करण्यात आली होती. महाराष्ट्रातील लाखो मुलांनी परीक्षा दिली होती.  या परीक्षेची अंतरिम उत्तर सुची महाराष्ट्र राज्य परीक्षा परिषदेच्या वतीने जाहीर करण्यात आली आहे.

खालील लिंकवरून 5 वी व 8 वी Answerkey डाउनलोड करा

इयत्ता 5 वी

पेपर 1 

पेपर 2 

इयत्ता 8 वी 

पेपर 1 

पेपर 2 

 

महाराष्ट्र राज्य परीक्षा परिषदेमार्फत पूर्व उच्च प्राथमिक शिष्यवृत्ती परीक्षा (इ. ५ वी) व पूर्व माध्यमिक शिष्यवृत्ती परीक्षा (इ. ८ वी) ही दि. ०९/०८/२०२१ रोजी राज्यातील सर्व जिल्ह्यांमध्ये एकाच दिवशी घेण्यात येणार असलेबाबत जाहिर करण्यात आले होते.

तद्नंतर राज्यातील काही जिल्ह्यात होत असलेल्या अतिवृष्टीमुळे उद्भवलेली पुरपरिस्थिती व बहुतांश ठिकाणी भूस्खलन झाल्याने विद्यार्थ्यांना दळणवळणास येणाऱ्या अडचणींबाबत राज्यातील अनेक संघटनांकडून प्राप्त निवेदनांचा विचार करता सदर परीक्षा दि. ०९/०८/२०२९ ऐवजी १२/०८/२०११ रोजी घेण्यात येईल . 

यापूर्वी निर्गमित करण्यात आलेले प्रवेशपत्र दि. १२/०८/२०२१ च्या परीक्षेसाठी ग्राह्य धरण्यात येईल.

 जवाहर नवोदय विद्यालय प्रवेश परीक्षा-2021

= सूचना =

दि 11/08/2017 रोजी होणार जवाहर नवोदय विद्यालय प्रवेश परीक्षेसाठी वरील विद्यार्थी तालुका निहाय बसणार असून कदाचित काही विद्यार्थींना रजिस्ट्रेशन नंबर उपलब्ध नसल्यास खालील pdf मध्ये दिलेला रजिस्ट्रेशन नंबर चा उपयोग करून प्रवेश पत्र डाऊनलोड करून घ्यावे.

pdf साठी क्लिक करा  

खालील लिंक वरून प्रवेशपत्र डाऊनलोड करून घ्यावे

https://cbseitms.nic.in/index.aspx

अधिक माहिती साठी दूरध्वनी क्रमांक 07252-23302 वर संपर्क करावा. 

-आर एस चंदनशिव, 

जवाहर नवोदय विद्यालय वाशीम

 सेतू अभ्यास चाचणी क्र. 2(30जुलै )

 सेतू अभ्यासक्रम चाचणी क्र. 2 दि. 30 जुलै रोजी घ्यावयाची आहे. 

इयता दुसरी ते आठवी च्या सेतू चाचण्या खालील लिंक वरून download करून घ्याव्यात.

वर्ग	चाचणी क्र 2	चाचणी क्र 3
1ला	--------------------	---------------------
2 रा	DOWNLOAD	DOWNLOAD
3 रा	DOWNLOAD	DOWNLOAD
4 था	DOWNLOAD	DOWNLOAD
5 वा	DOWNLOAD	DOWNLOAD
6 वा	DOWNLOAD	DOWNLOAD
7 वा	DOWNLOAD	DOWNLOAD
8 वा	DOWNLOAD	DOWNLOAD

सौजन्य - whatsapp समूह 

 🛑 जवाहर नवोदय विद्यालय प्रवेश परीक्षा 

👉महत्वाची सूचना👇 

Jawahar Navodaya Vidyalaya Selection Test-2021for admission of students in Jawahar Navodaya vidyalayas to class VI for the session 2021-22 is resheduled on 11.08.2021 in all states and UTs.The Registered candidates may download the admit cards with revised date of selection test with effect from 23.07.2021

📋इ.5 वी नवोदय परीक्षा 11 ऑगस्ट 2021 ला होणार आहे.उद्या पासून तुम्ही परीक्षेचे Hall ticket(admit card) वेबसाईट वरून download करू शकता.

website 👇👇👇👇

https://navodaya.gov.in

 ➖➖➖➖➖➖➖➖➖➖

 इ.५वी व इ.८वी शिष्यवृत्ती परीक्षेची तारीख जाहीर

•  उच्च प्राथमिक शिष्यवृत्ती परीक्षा (इ.५वी) व पूर्व माध्यमिक शिष्यवृत्ती परीक्षा (इ.८वी) 

•  परीक्षा दि.०८ ऑगस्ट, २०२१ रोजी

सविस्तर वाचण्यासाठी खालील लोगो वर क्लिक करा

                

सेतू अभ्यास चाचणी क्र. 1. ( 15 जुलै )

 सेतू अभ्यास चाचणी क्र. 1. ( 15 जुलै )

 सेतू अभ्यासक्रम चाचणी क्र. 1 दि. 15 जुलै रोजी घ्यावयाची आहे. यासाठी आपल्याला स्वतंत्र इयत्तानिहाय चाचणी आमचे मित्र श्री. परमेश्वर ननवरे सर यांनी तयार केल्या असून आपल्याला फक्त प्रिंट काढून वापरता येतील. यात आपल्याला शाळेचे नाव टाकण्याची सुविधा उपलब्ध केली आहे. त्याबद्ल ननवरे सरांचे आभार. 

इयता दुसरी ते आठवी च्या विषयवार चाचण्या खालील लिंक वरून download करून घ्याव्यात.

इयता दुसरी सेतू चाचणी क्र 1

अ.क्र	विषय	लिंक
1	भाषा	DOWNLOAD
2	इंग्रजी	DOWNLOAD
3	गणित	DOWNLOAD
4
5
6

इयता तिसरी सेतू चाचणी क्र 1

अ.क्र	विषय	लिंक
1	भाषा	DOWNLOAD
2	इंग्रजी	DOWNLOAD
3	गणित	DOWNLOAD
4	परिसर अभ्यास 1	DOWNLOAD
5	परिसर अभ्यास 2	DOWNLOAD
6

                 इयता चौथी सेतू चाचणी क्र 1

अ.क्र	विषय	लिंक
1	भाषा	DOWNLOAD
2	इंग्रजी	DOWNLOAD
3	गणित	DOWNLOAD
4	परिसर अभ्यास 1	DOWNLOAD
5	परिसर अभ्यास 2	DOWNLOAD
6

इयता पाचवी सेतू चाचणी क्र 1

अ.क्र	विषय	लिंक
1	भाषा	DOWNLOAD
2	इंग्रजी	DOWNLOAD
3	गणित	DOWNLOAD
4	परिसर अभ्यास 1	DOWNLOAD
5	परिसर अभ्यास 2	DOWNLOAD
6		DOWNLOAD

इयता सहावी सेतू चाचणी क्र 1

अ.क्र	विषय	लिंक
1	भाषा	DOWNLOAD
2	इंग्रजी	DOWNLOAD
3	गणित	DOWNLOAD
4	विज्ञान	DOWNLOAD
5	सामाजिक शास्त्र	DOWNLOAD
6	हिन्दी	DOWNLOAD

                  इयता सातवी सेतू चाचणी क्र 1

अ.क्र	विषय	लिंक
1	भाषा	DOWNLOAD
2	इंग्रजी	DOWNLOAD
3	गणित	DOWNLOAD
4	विज्ञान	DOWNLOAD
5	सामाजिक शास्त्र	DOWNLOAD
6	हिंदी	DOWNLOAD

इयता आठवी सेतू चाचणी क्र 1

अ.क्र	विषय	लिंक
1	भाषा	DOWNLOAD
2	इंग्रजी	DOWNLOAD
3	गणित	DOWNLOAD
4	विज्ञान	DOWNLOAD
5	सामाजिक शास्त्र	DOWNLOAD
6	हिंदी	DOWNLOAD

सौजन्य :- सदरील लिंक केवळ शिक्षक व विद्यार्थी यांच्या सोयीसाठी ठेवल्या आहेत. सर्व हक्क SCERT पुणे यांच्या स्वाधीन आहेत. 

 " शिकू  आनंदे "(Learn with Fun)  या उपक्रमाबाबत .....   

                                                मार्च २०२० पासून कोविडच्या प्रादुर्भावामुळे राज्यातील सर्व  शाळा बंद आहेत. शाळा बंद असल्या तरी मुलांचे शिकणे सुरु रहावे या हेतूने  राज्य शैक्षणिक संशोधन व प्रशिक्षण परिषेदे मार्फत online पद्धतीने विविध कार्यक्रम घेण्यात येत आहे.  शाळा बंद व लॉकडाऊन मुळे शहरी भागात बहुतांश मुले ही घरातच बंदिस्तआहेत. खेळण्याच्या वयात मुले घरात बंदिस्त झाल्याने अनेक प्रकारच्या  शारीरिक व मानसिक समस्या मुलांमध्ये  निर्माण होऊ शकतात, या बाबीचा विचार करून परिषेदेच्या सामाजिक शास्र व कला क्रीडा विभागामार्फत  इ.१ ली ते ८ वीच्या वर्गात अध्ययन करणाऱ्या राज्यातील सर्व मुलांसाठी कला, शारीरिक शिक्षण व कार्यानुभव या विषयाबाबत या विषयांच्या अभ्यासक्रमावर आधारित   दर शनिवारी online पद्धतीने “शिकू  आनंदे ” (Learn with Fun) हा उपक्रम दि.३ जुलै २०२१ पासून सुरु करत आहोत. 

उपक्रमाचा हेतू :- 

मुलांचे शिकणे आनंददायी व्हावे, घरबसल्या मुलांचा शारीरिक व्यायाम व्हावा, मुलांनी छोट्या छोट्या कृती  पहाव्यात,  कराव्यात,  कृतीद्वारा आनंददायी पद्धतीने मुले शिकवीत हा या उपक्रमाचा प्रमुख हेतू आहे. 

उपक्रमची तारीख , ईयत्ता व वेळ :-

प्रत्येक शनिवारी सकाळी ९ ते ११ अशी कार्यक्रमाची वेळ असेल. यामध्ये सकाळी  ९ ते १० या वेळेत इयत्ता १ ली ते ५ वीच्या मुलांसाठी कला, शारीरिक शिक्षण व कार्यानुभव विषयाच्या कृती व सकाळी १० ते ११ या वेळेत इयत्ता ६ वी ते ८ वीच्या मुलांसाठी कला,शारीरिक शिक्षण व कार्यानुभव विषयाच्या कृती घेण्यात येणार आहेत. 

सदरील कार्यक्रमध्ये खालील youtube लिंक द्वारे सहभागी होता येईल 

   याबाबत आपल्या कार्यक्षेत्रातील सर्व शाळा व विद्यर्थ्याना सहभागी होता येईल.विद्यार्थ्यांपर्यंत ही माहिती पोहचवावी.व जास्तीत जास्त विद्यार्थी या उपक्रमात सहभागी होतील याबाबत योग्य कार्यवाही करावी. या कार्यक्रमात विद्यार्थ्यांचा कृतीयुक्त सहभाग अपेक्षित आहे.

आवश्यक साहित्य 

ड्रॉईंग कागद,पेन्सिल,खोड रबर,वॉटर कलर, स्केच पेन,पट्टी, ब्रश, क्ले, ओली माती इत्यादी साहित्य विद्यार्थ्यांनी सोबत ठेवावे.

 

 सेतू अभ्यासक्रम - BRIDGE COURSE

🚸 वर्ग 2 री ते 10 वी

🔰 मराठी, हिंदी व उर्दू माध्यम

📚 मागील वर्षातील क्षमता संपादित न होता विद्यार्थी पुढील शैक्षणिक वर्षांमध्ये प्रविष्ट झाले असल्याची शक्यता गृहीत धरून सर्वच विद्यार्थ्यासाठी तयार करण्यात आलेला सेतू अभ्यासक्रम खालील लिंक वरून डाउनलोड करावा. 👇🏻   

 सेतू अभ्यासक्रमाची प्रभावी अंमलबजावणी कशी करावी याबाबत मार्गदर्शक सूचना🖕

                               

 "२६ जून छत्रपती राजर्षी शाहू महाराज जयंती निमित्त प्रश्नमंजुषा"

प्रिय शिक्षक पालक, विदयार्थी मित्रहो,

                   सस्नेह नमस्कार !

 छत्रपती राजर्षी शाहू महाराज जयंती औचित्याने  जि प व प्रा शाळा शेलु खडसे आयोजित ' ऑनलाईन प्रश्नमंजुषा ' उपक्रमात आपण सर्वांनी सहभागी व्हा.

🔖प्रश्नमंजुषा लिंक खाली दिलेली आहे.जरूर सोडवा.)

 "17 जून जिजाऊ माँसाहेब यांचे स्मृतिदिन निमित्त प्रश्नमंजुषा"

प्रिय शिक्षक पालक, विदयार्थी मित्रहो,

                   सस्नेह नमस्कार !

राष्ट्रमाता राजमाता जिजाऊ आऊसाहेब यांचे 423 व्या स्मृतीदिनाचे औचित्याने  जि प व प्रा शाळा शेलु खडसे आयोजित ' ऑनलाईन प्रश्नमंजुषा ' उपक्रमात आपण सर्वांनी सहभागी व्हा , व डिजिटल  ई-प्रमाणपत्र मिळवा

उपक्रमात 60 % व अधिक गुण असणाऱ्यांना  मेल id वर त्वरित आकर्षक ई-प्रमाणपत्र पाठविले जाईल.  (Email Id अचूक टाका)

🔖 खाली दिलेली प्रश्नमंजूषा सोडवा.)👇🏻

  शैक्षणिक सत्र 2021-22  करिता प्रवेश देणे सुरू आहे.

 खालील लिंक ला टच करून प्रवेश अर्ज काळजीपूर्वक भरा व आपला ऑनलाईन प्रवेश आजच निश्चित करा. 

                             

मुख्याध्यापक जि प व प्रा शाळा शेलु खडसे ता रिसोड जि वाशिम

टीप - लॉकडाऊन कालावधी संपेपर्यंत प्रवेशासाठी शाळेत येण्याची आवश्यकता नाही

घरीच रहा सुरक्षित रहा

       

   💐१ मे - महाराष्ट्र दिन 💐                                                                                                                            कणखर देशा,पवित्र देशा,प्रणाम घ्यावा माझा हा श्री महाराष्ट्र देशा……*

सर्वाना महाराष्ट्र दिनाच्या मनःपूर्वक शुभेच्छा 

चला आज या निमिताने महाराष्ट्र राज्य विषयक सामान्यज्ञान तपासून पाहूया

📚 *महाराष्ट्र  विशेष  -- सामान्यज्ञान* 📚

*१) महाराष्ट्र राज्याची निर्मिती केव्हा झाली ?*

*उत्तर -- १ मे १९६०*

-----------------------------------------------

*२) महाराष्ट्र राज्यात किती जिल्हे आहेत ?*

*उत्तर -- ३६*

-----------------------------------------------

*३) महाराष्ट्र दिन कोणत्या दिवशी साजरा केला जातो ?*

*उत्तर -- १ मे* 

-----------------------------------------------

*४) महाराष्ट्र राज्याची राजधानी कोणती ?*

*उत्तर -- मुंबई* 

-----------------------------------------------

*५) महाराष्ट्र राज्याची उपराजधानी कोणती ?*

*उत्तर -- नागपूर*

-----------------------------------------------

*६) महाराष्ट्र राज्याचे प्रशासकीय विभाग किती आहेत ?*

*उत्तर -- सहा* 

-----------------------------------------------

*७) महाराष्ट्रातील सर्वात उंच शिखर कोणते ?*

*उत्तर -- कळसुबाई*

-----------------------------------------------

*८) महाराष्ट्रातील सर्वात लांब नदी कोणती ?*

*उत्तर -- गोदावरी* 

-----------------------------------------------

*९) महाराष्ट्राचा राज्य प्राणी कोणता आहे ?*

*उत्तर -- शेकरू* 

-----------------------------------------------

*१०) महाराष्ट्राचा राज्य पक्षी कोणता आहे ?*

*उत्तर -- हरियाल / हरावत*

-----------------------------------------------

*११) महाराष्ट्राची राज्यभाषा कोणती ?*

*उत्तर -- मराठी* 

-----------------------------------------------

*१२) महाराष्ट्रातील क्षेत्रफळाने सर्वात लहान जिल्हा कोणता ?*

*उत्तर -- मुंबई शहर* 

-----------------------------------------------

*१३) महाराष्ट्रातील क्षेत्रफळाने सर्वात मोठा जिल्हा कोणता ?*

*उत्तर -- अहमदनगर*

-----------------------------------------------

*१४) महाराष्ट्राचे पहिले मुख्यमंत्री कोण ?*

*उत्तर -- यशवंतराव चव्हाण*

-----------------------------------------------

*१५) महाराष्ट्र राज्याचा राज्य वृक्ष कोणता ?*

*उत्तर -- आंबा* 

-----------------------------------------------

*१६) महाराष्ट्र राज्याचा राज्य फूल कोणता ?*

*उत्तर -- ताम्हण / मोठा बोंडारा*

-----------------------------------------------

*१७) महाराष्ट्रातील पहिले मातीचे धरण कोणते ?*

*उत्तर -- गंगापूर ( नाशिक )*

-----------------------------------------------

*१८) महाराष्ट्रातील पहिली स्त्री शिक्षिका कोण ?*

*उत्तर -- सावित्रीबाई फुले* 

-----------------------------------------------

*१९) महाराष्ट्राचे पहिले राज्यपाल कोण ?*

*उत्तर -- श्री. प्रकाश* 

-----------------------------------------------

*२०) महाराष्ट्रातील सर्वाधिक वनक्षेत्राचा जिल्हा कोणता ?*

*उत्तर -- गडचिरोली*

-----------------------------------------------

*२१) महाराष्ट्रातील पहिले अणुविद्युत केंद्र कोणते ?*

*उत्तर -- तारापूर ( ठाणे )*

-----------------------------------------------

*२२) महाराष्ट्रातील पहिले जलविद्युत केंद्र कोणते ?*

*उत्तर -- खोपोली ( रायगड )*

-----------------------------------------------

*२३) महाराष्ट्रातील पहिले पक्षी अभयारण्य कोणते ?*

*उत्तर -- कर्नाळा ( रायगड )*

-----------------------------------------------

*२४) महाराष्ट्रातील पहिले पंचतारांकित हाॅटेल कोणते ?*

*उत्तर -- ताजमहल, मुंबई* 

-----------------------------------------------

*२५) महाराष्ट्रातील सर्वात मोठी टपाल कचेरी कोणती ?*

*उत्तर -- मुंबई*

=============================

*संकलक  :- विजय रा गिरी ( प्रा शिक्षक )*

    *शेलु खडसे  ता. रिसोड जि. वाशिम*

     📞 8805577728  

   *http://vijaygiri143.blogspot.com*

*😷घरीच रहा , सुरक्षित रहा😷*

🔲🔲🔲🔲🔲🔲🔲🔲🔲🔲🔲

 

 

●═════════════════ ●

*गुढीपाडवा : भारतीय सण व संस्कृती*

*भारतीय संस्कृतीत प्रमुख सणांमध्ये ‘गुढीपाडवा’ हा सण  मराठी नववर्ष उत्सवाचे पर्व म्हणून साजरा केला जातो. गुढीपाडव्याशी फक्त सांस्कृतिक, धार्मिक गोष्टीच जोडलेल्या नाहीत तर त्यात निसर्गाचा, पर्यावरणाचाही विचार आहे. आल्हाददायक वसंत ऋतूनंतरचा उन्हाळा बाधू नये, म्हणून वर्षांच्या सुरुवातीलाच कडुनिंबाची पाने खावीत, असे सांगितले आहे.*

*गुढीपाडवा हा साडेतीन मुहूर्तापैकी एक. त्यामुळे नवीन उद्योगाचा, व्यवसायाचा आरंभ करण्यास हा उत्तम मुहूर्त समजला जातो. यामध्ये नूतन संवत्सराची सुरुवात, म्हणून चैत्र शुद्ध प्रतिपदेचा दिवस हा महत्त्वाचा शुभ मानला जातो.*

                    *वसंतऋतुच्या आगमनासोबत सुरु होणारं मराठी नववर्ष आणि 'गुढीपाडवा'च्या मनःपूर्वक शुभेच्छा! हा सण सर्वांच्या जीवनात सुख,समृद्धी,उत्तम आरोग्य घेऊन येवो. जीवनात यशाच्या उंच गुढ्या उभारण्याची स्वप्ने पूर्ण होवोत. त्या उंच गुढ्यांमध्ये एक गुढी ‘कोरोनामुक्ती’च्या विजयाचीही असो, ही सदिच्छा!*

🎊💫🎊💫🎊💫🎊💫🎊

● ═════════════════ ●

  

       1 ली ते इ.8वी च्या विद्यार्थ्यांना बालकांचा मोफत व सक्तीच्या  शिक्षणाचा हक्क अधिनियम RTE act 2009 नुसार वर्गोन्नती देण्याबाबत मार्गदर्शक सूचना जाहीर करण्यात आल्या आहेत. 

शैक्षणिक वर्ष २०२०-२१ साठी इ.१ ली ते इ.८ वी च्या विद्यार्थ्यांच्या वर्गोन्नतीबाबत राज्याचे शैक्षणिक प्राधिकरण म्हणून असलेल्या अधिकाराचा वापर करून खालील मार्गदर्शक सूचना निर्गमित करण्यात येत आहेत.

१. शैक्षणिक वर्ष २०२० -२१ मध्ये ज्या विद्यार्थांचे आकारिक मूल्यमापन व संकलित मूल्यमापन प्रक्रिया पूर्ण झालेले आहे अशा विद्यार्थ्यांच्या बाबतीत संदर्भ क्र. २ अन्वये नमूद नियमित कार्यपध्दतीचा अवलंब करण्यात यावा.

२. शैक्षणिक वर्ष २०२० -२१ मध्ये शिक्षकांनी विविध साधन तंत्रांचा वापर करून ज्या विद्यार्थ्यांच्या बाबतीत फक्त आकारिक मूल्यमापन प्रक्रिया पूर्ण केली आहे अशा विद्यार्थ्यांच्या बाबतीत आकारिक मूल्यमापनामधील विद्यार्थ्यांची संपादणूक लक्षात घेता त्याचे रुपांतर १०० गुणांमध्ये करावे व त्यानुसार विद्यार्थ्यांची श्रेणी निर्धारित करण्यात यावी.

३. शैक्षणिक सत्र २०२० २०२१ मध्ये कोणत्याही कारणास्तव ज्या विद्यार्थ्यांचे आकारिक, संकलित मूल्यमापन करणे शक्य झालेले नाही अशा विद्यार्थ्यांच्या बाबतीत संदर्भ क्र. ५ अन्वये शासनाने सूचित केल्यानुसार बालकाचा मोफत व सक्तीच्या शिक्षणाचा अधिकार अधिनियम २००९ कलम १६ नुसार पुढील वर्गात वर्गोन्नत करण्यात यावे. अशा विद्यार्थ्यांच्या प्रगतीपुस्तकावर "आर.टी.ई ॲक्ट २००९ कलम १६ नुसार वर्गोन्रत" असा शेरा नमूद करण्यात यावा. याव्यतिरिक्त इतर कोणताही शेरा नमूद करण्यात येऊ नये.

४. उपरोक्त मुद्दा १ व २ मधील क-२ पेक्षा कमी श्रेणी मिळालेले विद्यार्थी व मुद्दा ३ मधील सर्व विद्यार्थी तसेच बालकाचा मोफत व सक्तीच्या शिक्षणाचा अधिकार अधिनियम २००९ कलम चार प्रमाणे वयानुरूप दाखल होणारे विद्यार्थी यांच्यासाठी पुढील शैक्षणिक वर्षाच्या सुरुवातीस विशेष प्रशिक्षणाचे आयोजन करण्यात यावे. यासाठी राज्य शैक्षणिक संशोधन व प्रशिक्षण परिषद, महाराष्ट्र मार्फत विकसित करण्यात आलेल्या विद्यार्थी मित्र पुस्तिकांची मदत घेण्यात यावी. तसेच नियमित वर्गाअध्यापनाची प्रक्रियाही पूर्ण करण्यात यावी

५. उपरोक्त प्रमाणे कार्यवाही करताना शैक्षणिक वर्ष २०२०-२१ मध्ये विद्यार्थ्यांचे नव्याने कोणत्याही विद्यार्थ्यांचे ऑनलाईन/ ऑफलाईन प्रकारे मूल्यमापन करण्यात येऊ नये.

६. उपरोक्त सूचनांप्रमाणे विद्यार्थ्यांचे प्रगतिपुस्तक, संचयी नोंद पत्रक इ. अभिलेखे नियमित वेळेत पूर्ण करण्यात यावेत व स्थानिक परिस्थितीनुरूप वितरीत करण्यात यावेत. 

७. यासंदर्भात क्षेत्रीय स्तरावरून मूल्यमापना बाबत इतर कोणत्याही सूचना शाळांना देण्यात येऊ नयेत. 

८. सदर सूचना राज्य शासनाचा अभ्यासक्रम राबविणाऱ्या सर्व माध्यमाच्या, सर्व व्यवस्थापनाव्या शाळांना लागू राहतील.

 ९. कोविड- १९ च्या संदर्भात स्थानिक प्रशासनाने दिलेल्या आदेशाचे पालन करण्यात यावे.

कोरोना महामारीच्या काळात शैक्षणिक सत्र २०२० - २०२१ मध्ये विद्यार्थ्यांचे झालेले शैक्षणिक नुकसान भरून काढण्याकरिता पुढील शैक्षणिक सत्र २०२१-२०२२ मध्ये राज्य शैक्षणिक संशोधन व प्रशिक्षण परिषदेच्यावतीने कृतीकार्यक्रम विकसित करण्यात येतील. यासंदर्भात सविस्तर सूचना यथावकाश स्वतंत्रपणे निर्गमित करण्यात येतील.

निकालपत्रक नमूना - RTE act कलम १६ नुसार वर्गोन्नत असा शेरा असलेले निकालपत्रक नमूना डाउनलोड करण्यासाठी येथे खालील इमेज वर क्लीक करा. 

📲 ऑनलाईन चाचणी 🖥️

            🔹इयत्ता -पाचवी शिष्यवृत्ती 🔹  

▪️भाषा - जाहिराती व बातम्या वाचून त्यावरील प्रश्नांची उत्तरे देणे

खालील online test नक्की सोडवा .

 📚🎯📚🎯📚🎯📚🎯📚🎯📚

    *तयारी शिष्यवृत्ती परीक्षेची*

        *विषय - भाषा*

*घटक - कार्यात्मक व्याकरण*

शिष्यवृत्ती परीक्षेसाठी अत्यंत महत्त्वाचा घटक म्हणजे व्याकरण. शिष्यवृत्ती परीक्षेसाठी या भागाला 20% इतका भारांश आहे. 

  🔹शुद्ध व अशुद्ध शब्द🔹

*🎯लक्षात ठेवा :*

 व्याकरणातील नियमांना अनुसरून केलेल्या निर्दोष लेखनाला शुध्दलेखन म्हणतात . अर्थपूर्ण शुध्दलेखणासाठी अनुस्वार ,ऱ्हस्व- दीर्घ व जोडाक्षरे इत्यादींचे ज्ञान असणे आवश्यक आहे . त्यासाठी शुध्दलेखनाचे काही प्रमुख नियम अभ्यासू या .

*१) एखाद्या शब्दातील ज्या अक्षरांचा उच्चार स्पष्टपणे नाकातून होतो , त्या अक्षरांवर नेहमी अनुस्वार द्यावा .*

उदा ., कांदा , भिंत , सुगंध , दिंडी , संबंध , धांदल इत्यादी .

*२) एकाक्षरी शब्दातील ' इ ' व ' उ 'स्वर दीर्घ लिहावेत .*

उदा ., मी , ती , तू , धू , जू इत्यादी

*३) सामान्यपणे , कोणत्याही शब्दातील शेवटचा  ' इ ' व ' उ ' हे सर्व दीर्घ लिहावेत .

उदा ., कवी ,रवी , विद्यार्थी ,गुरु ,अणू ,पशू इत्यादी .

मात्र हे शब्द जोडशब्दांत प्रारंभी आले , तर त्यांतील शेवटचा  ' इ ' किंवा ' उ ' सर्वर ऱ्हस्व लिहावा .

उदा ., कविचरित्र ,विद्यार्थिभांडार .गुरुकृपा इत्यादी .

*४) अकारान्त शब्दातील उपांत्य ( शेवटून दुसरे अक्षर ) ' इकार ' व ' उकार ' दीर्घ लिहावेत.*

उदा ., वीट , मीठ , खीर ,दूध , तूप ,नवनीत ,जमीन  इत्यादी .

*५) शब्दातील शेवटचे अक्षर दीर्घ असेल तर त्याच्यामागील ' इकार ' व 'उकार ' बहुधा ऱ्हस्व लिहावेत .*

उदा ., गरिबी , पाहुणा ,किती ,दिवा , महिना , नमुना ,बहिणी , वकिली इत्यादी .

*वरील घटकावरील तसेच नवोदय व शिष्यवृत्ती  ऑनलाईन टेस्ट सोडवा व  सराव करण्यासाठी खालील ब्लॉग ला अवश्य भेट द्या*

⬇️⬇️⬇️⬇️⬇️⬇️⬇️⬇️⬇️⬇️⬇️

*http://vijaygiri143.blogspot.com*

➖➖➖➖➖➖➖➖➖➖➖

*📣ब्रेकिंग न्युज*

*शिष्यवृत्ती परीक्षेबाबत मोठा बदल*

*👉परीक्षा 25 एप्रिल 2021 ऐवजी 23 मे 2021 रोजी होणार.*

*👉 फॉर्म भरण्यासाठी 10 एप्रिल 2021 पर्यंत मुदतवाढ*

➿➿➿➿➿➿➿➿➿➿

*📝संकलन - विजय रा गिरी (स शी)* 

*जि प व प्रा शाळा शेलु खडसे ता रिसोड जि वाशिम*

  8805577729

➖🎯➖🎯➖🎯➖🎯➖🎯➖

     🔥मिशन नवोदय 🔥

#@ उतारा 5 @#

# वरील उतारा वाचून खालील प्रश्नांची उत्तरे शोधा.

होळीचा सण फाल्गुन पौर्णिमेला असतो. होळी हा एक महत्वाचा सण आहे. होळीला  ' शिमगा ' असेही म्हणतात. होळीचा सण दोन  दिवस साजरा करतात. होळीच्या दिवशी ठरलेली जाग सारवून त्या ठिकाणी  एक मोठा खड्डा खणतात. मध्यभागी झाडाची फांदी उभी करतात. त्याच्या आजूबाजूला लाकडे व गोव-या रचून होळी तयार करतात. संध्याकाळी होळी पेटवून तिची पूजा करतात. तिला नैवेद्य अर्पण करतात.    होळी म्हणजे हुताशनी देवी आहे असे मानतात. ती होळी बरोबर सर्व वाईटांचा जाळून नाश करते असा समज आहे. वर्गणी काढून सार्वजनिक होळीही अनेक ठिकाणी साजरी करतात.होळीच्या दुसर्‍या दिवसाला धुलीवंदन म्हणतात.त्या दिवशी रंग उडवून खेळ खेळतात.एकमेकांच्या अंगावर रंग उडवायला खूप मजा वाटते. दोन्ही दिवस गोडाचे जेवण करतात व आनंदाने होळीचा सण साजरा करतात.

प्रश्न 1 उताऱ्यात उल्लेखलेल्या सणासाठी खालीलपैकी कोणता शब्द  आलेला नाही  ? 

A )  शिमगा   B) हुताशनी देवी  c)    होळी   D ) फाल्गुन 

प्रश्न 2 - होळी हा सण कोणत्या महिन्यात साजरा करतात? 

A) माघ  B ) चैत्र  c) फाल्गुन  D ) अश्विन 

प्रश्न 3 होळी सणाचा मुख्य उद्देश आहे ? 

A ) हुताशनी देवीला प्रसन्न करणे 

B) वाईट गुणांचे दहन करणे 

C) लोकवर्गणी जमा करणे

D) गोवऱ्या व लाकडे जाळणे

प्रश्न 4 यावर्षी सर्वजनांना होळी कशी साजरी करावी लागणार ? 

A) दरवर्षी पेक्षा अधिक जोशाने 

B) सामूहिक पद्धतीने 

C) आपापल्या घरातच राहून 

D) ऑनलाईन पद्धतीने

प्रश्न 5 होळीच्या दुसऱ्या दिवसाला म्हणतात ? 

A) तान्हा पोळा 

B ) शिमगा 

C) फाल्गुना 

D) धुलीवंदन

उत्तरे - 

1)   D      2)   C     3)   B     4 ) C     5)  D

➖➖➖➖➖➖➖➖➖➖

=======================================

               ▌   *✺दिनविशेष✺*       ▌

                   *🔰22 मार्च*🔰 

            *📕 जागतिक जल दिन🕳*➖➖➖➖➖➖➖➖➖➖➖➖

*♋जागतिक जल दिन- २२ मार्च*♋

*पाण्याची गरज नाही असे कोणतेच क्षेत्र आढळणार नाही.परंतु, एकंदरीत पाण्याचा अविचारी, आयोग्य आणि अतिवापर होत असल्याचे काही दशकांपूर्वी जाणवले. गोड्या म्हणजेच पिण्यायोग्य पाण्याचे निसर्गातील प्रमाण अगदीच मोजके असल्याने त्याचा अत्यंत जपून वापर करणे, त्याच्या स्रोतांचे संवर्धन करणे गरजेचे आहे. पुरेसे पाणी मिळवण्यासाठी तिसरे महायुध्द होण्याची शक्यता वर्तवली जाते इतके त्याचे महत्त्व आहे !*

*♋मूळ संकल्पना व सुरुवात*

संयुक्त राष्ट्रसंघ म्हणजेच युएनओच्या सर्वसाधारण सभेने २२ मार्च १९९३ रोजी पहिला ‘वर्ल्ड वॉटर डे’ साजरा केला. तेव्हापासून दरवर्षी, युनोच्या जागतिक जलविकास अहवालाशी सुसंगत असलेली, वेगळी संकल्पना वापरण्याची प्रथा आहे. उदा.२०१५ ची संकल्पना होती पाणी व शाश्वत विकास- कारण पाण्याच्या अविचारी वापराने खरा विकास न होता आपले जीवन भकास होईल.

*♋अधिक माहिती*

तहान लागल्यावर विहीर खणू लागल्याने पश्न सुटत नाही. त्यासाठी या बाबींकडे सर्वांचेच सतत लक्ष असले पाहिजे-

१) पाण्याचा योग्य आणि आवश्यक तितकाच वापर करणे.

२) पाण्याचा स्रोत प्रदूषित न करणे.

३)जगात गोड्या पाण्याच प्रमाण मुळातच फार कमी आहे.

पिण्याचे पाणी सर्वांनाच गरजेप्रमाणे मिळेल हे पाहणे.

*स्वत: ला खरोखरी किती पाण्याची* *गरज आहे हे समजून घेऊन तितकेच पाणी प्रत्येकाने वापरले आणि या मुद्याचा प्रसार केला तरी खूप काही साधेल*

*➖➖➖➖➖➖➖➖➖➖➖➖➖➖*                                       

 🇼‌🇴‌🇷‌🇱‌🇩‌ 🇸‌🇵‌🇦‌🇷‌🇷‌🇴‌🇼‌ 🇩‌🇦‌🇾‌

*◆🌍 जागतिक चिमणी दिवस 🌍◆*

●══════════════════●

*मार्च २० हा दिवस जागतिक चिमणी दिन म्हणून पाळला जातो. पहिला जागतिक चिमणी दिवस २० मार्च २०१० रोजी पाळला गेला. सध्यातरी चिमणी काळाच्या ओघात दिसेनाशी झाली. या पार्श्वभूमीवर चिमण्यांचे संरक्षणआणि त्याविषयीच्या जागृतीसाठी २० मार्च हा दिवस जागतिक चिमणी दिवस म्हणून पाळला जातो. वाढत्या शहरीकरणामुळे पर्यावरणाचा होणारा ऱ्हास चिमण्यांच्या संख्येस कारणीभूत ठरला.*

*संकल्प करूया , चिवचिवाट वाढऊया*

http://vijaygiri143.blogspot.com

🌍🌍🌍🌍🌍🌍🌍🌍🌍