❱❱ मिशन नवोदय 2023 ❰❰ 

   दिनांक - 25/11/2022

▪️खालील उतारा काळजीपूर्वक वाचा व त्यावरील प्रश्नांची उत्तरे शोधा

💐  उतारा 14   💐

════════════════

सील हा जलचर सस्तन प्राणी आहेत. सस्तन पृष्ठवंशीयांपैकी पण सारे आयुष्य पाण्यात काढणारी समुद्रसिंहाची ही जमात अतिथंड प्रदेशात समुद्रात आढळते. .सील या नावाने हे समुद्रसिंह जगभर ओळखले जातात. थंड समुद्री प्रदेशात खरे म्हणजे यांचा मोठा वावर आढळतो. अवाढव्य देह, प्रचंड वजन; पण अत्यंत चपळ हालचाल करत असल्याने त्यांना फारसे शत्रू नाहीत; पण काही वेळा शार्क माशांचा त्यांच्यावर हल्ला होऊ शकतो. माणूस मात्र त्यांचा कायमचाच शत्रू बनलेला आहे.  सीलच्या कातड्याला जगभर असलेली मागणी हेच त्याचे एकमेव कारण.

 सीलचे वैशिष्ट्य म्हणजे नर व मादीमधील आकारमानातला प्रचंड फरक. सील मादी आकाराने नराच्या जेमतेम दोन तृतियांशसुद्धा असते. सस्तन प्राण्यांत आकारमानात एवढा मोठा फरक क्वचितच सीलच्या दुधामध्ये चरबीचे प्रमाण चक्क पन्नास टक्के असते. त्यामुळे बाळांची वाढ अक्षरश: दिवसागणिक झालेली आढळते. बाळांची वाढ जशी झपाट्याने होते. सीलला सहसा एका वेळी एकच पिल्लू होते.

सील मासे खाऊन जगतो; पण तेही कोणते? तर माणूस खात नाही असे. ज्या माशांची चव माणसाला आवडत नाही, असे सर्व मासे सील अगदी आवडीने खातो.  पाण्यातील प्रवाहांची दिशा त्यांच्या भल्यामोठ्या लांबलचक मिशारुपी केसांमुळे त्यांना समजते. प्रवाहाविरुद्ध सतत पोहत राहणारे हे मासे मटकावणे या सीलला मग सहज जमते.

सीलच्या सध्या ज्ञात तेहतीस जाती आहेत. प्राण्यांच्या दृष्टीने तसे त्यांना दीर्घायुष्य लाभले आहे. सील सर्वसाधारण पस्तीस ते चाळीस वर्षे जगतो.

════════════════

1】 सील हा प्राणी साधारणपणे प्रदेशात आढळतो ?

 A )  समुद्री      B) पठारी       C)  दलदलीचा    D) शुष्क

➖➖➖➖➖➖➖➖➖

2】सील ला जास्त शत्रु नाहीत कारण - 

  A ) अवास्तव शरीर    B)  भरपूर वजन    C) चपळता     D) सर्व पर्याय बरोबर.

➖➖➖➖➖➖➖➖➖

3】सील ला जास्त शत्रु नाहीत परंतु पासून त्याला धोका आहे ? 

 A ) शार्क     B) माणूस      

C)  शार्क व माणूस    D) मासे

➖➖➖➖➖➖➖➖➖

4] मानव सील ची शिकार करतो कारण .....

  A ) तो सस्तन  प्राणी आहे.   

B) तो पृष्ठवंशिय  प्राणी आहे.     

C) तो समुद्रप्राणी आहे. 

 D) त्याच्या कातडिला जगभर मागणी आहे.

➖➖➖➖➖➖➖➖➖

5】सिलच्या सध्या तेहतीस जाती ज्ञात येथे ज्ञात म्हणजे ??

  A ) जीवंत      B) मृत       C)  माहित    D) सस्तन

➖➖➖➖➖➖➖➖➖

6】सीलच्या बाळाची वाढ प्रत्येक दिवशी होते ?

A ) त्यांचा आकार अवाढव्य असतो.

  B) त्यांना दीर्घायुष्य लाभले आहे.

  C) त्यांचे दूधात चरबीचे प्रमाण अधिक असते.

  D) ते शीत प्रदेशात राहतात.

➖➖➖➖➖➖➖➖➖

7】सिलचे सरासरी आयुर्मान किती आहे ? 

  A ) 30 ते 30 वर्ष      B)  35 ते 40 वर्ष    C) 35 ते 45 वर्ष      D) 40 वर्ष

➖➖➖➖➖➖➖➖➖

8】सील मासे खातों ? 

A ) जे त्याला आवडतात ते       B) जे माणसाला आवडतात ते     C)  जे माणसाला आवडत नाहीत ते  

D) सर्व प्रकारचे मासे

➖➖➖➖➖➖➖➖➖

9】खाऊन टाकणे" यासाठी उताऱ्यात आलेला  पर्यायी शब्द कोणता ?

 A ) चपळ      B) फस्त      

C) मटकावणे     D) प्रवाह

➖➖➖➖➖➖➖➖➖

10】दीर्घायुष्य म्हणजे ... 

A )  कमी काळ जगणे 

B) सुखी आयुष्य

C)   खड़तर आयुष्य

 D) जास्त काळ जगणे

➖➖➖➖➖➖➖➖➖

11】सील नर आकाराने मादीच्या आकाराच्या .......... असते.

A) जेमतेम दोन तृतीयांश

B)जेमतेम एक तृतीयांश

C)जेमतेम सारखी

D) एकदम भिन्न

➖➖➖➖➖➖➖➖➖

12】खालीलपैकी काय सील च्या बाबतीत खरे नाही ? 

A) तो सस्तन प्राणी आहे.

B) तो दूधात चरबीचे प्रमाण 50% असते.

C) त्याला समुद्रसिंह म्हणतात.

D) तो एकावेळी अनेक प्राण्याना जन्मास घालतो.

▪️▪️▪️▪️▪️▪️▪️▪️▪️

📝 विजय रा गिरी सर 

*जि प व प्रा शाळा शेलू खडसे* 

*ता रिसोड जि वाशिम* 

*8805577729*

vijaygiri143.blogspot.com 

🥇📚🥇📚🥇📚🥇📚🥇📚🥇📚

संविधान दिनानिमित्त संविधानावर आधारित प्रश्नमंजुषा सोडवा

❱❱ मिशन नवोदय 2023 ❰❰ 

   दिनांक - 24/11/2022

खालील उतारा काळजीपूर्वक वाचा व त्यावरील प्रश्नांची उत्तरे शोधा

     〇 उतारा 13 〇 

════════════════

एका जंगलात मोठ्या संख्‍येने हरणांचा वावर होता. परंतु आपल्‍या सहका-यांची संख्‍या कमी होत चालल्‍याचे एका हरणाच्‍या लक्षात आले. त्‍याने आपल्‍या इतर सहका-यांना सावध केले परंतु कोणीच त्‍याच्‍याकडे लक्ष दिले नाही. त्‍या हरणाने आपल्‍या मित्राला सांगितले की डेरेदार व गच्च पानांनी भरलेल्‍या वृक्षांच्‍या फांद्यावर दडून शिकारी मचाण बांधतात. यासाठी आपण या वृक्षाखाली जाणेच न बरे. त्‍याचा मित्र त्‍याची गोष्‍ट ऐकून तेथेच थांबला. तिकडे त्‍या पानाआड दडलेल्‍या शिका-याने दोघांकडे फळे फेकण्‍यास सुरुवात केली. चतुर हरणास समजले की, झाडावर शिकारी बसलेला आहे. त्‍याने मित्राला सावध केले पण मित्र हरीण लोभाच्‍या बळी पडून फळे खाण्‍यासाठी पुढे गेला आणि शिका-याने त्‍याची लगेचच शिकार केली. चतुर हरणाला वाईट वाटले. पण मित्राने त्‍याचे म्‍हणणे ऐकायला हवे होते हे ही खरेच की नाही. ════════════════

1】जंगलात मोठ्या संख्येने हरणांचा वावर होता. या वाक्यात वावर या शब्दाचा अर्थ आहे?

  A ) शेत   B) शिवार     

  C) ये-जा असणे  D) जमीन

➖➖➖➖➖➖➖➖➖➖

2】हरणाने आपल्या इतर सहकार्याना सावध केले ...

  A) जंगल कमी होत चालले   याविषयी    

B) आपल्या सहकार्याची संख्या कमी होत चालली याबद्दल

C) फ़ळे कसे मिळवावे याविषयी D)भूकंपाविषयी

➖➖➖➖➖➖➖➖➖➖

3】शिकारीसाठी उंचावर बांधलेला माळा यासाठी उताऱ्यात आलेला शब्द आहे?

A )मचाण       B)देरेदार      

C)A व B बरोबर    D) फांदया

➖➖➖➖➖➖➖➖➖➖

4】आपल्या सहकार्याची संख्या कमी होत चालली या वाक्यावरुन समजते ?

 A ) सहकारी अनुपस्थित होते              B) सहकारी शिकारीला गेलेत    C) सहकाऱ्यांची शिकार होत आहे. 

D)सर्व बरोबर

➖➖➖➖➖➖➖➖➖➖

5】वरील उताऱ्यास शोभेल असे शीर्षक दया.

  A ) एकावे जनाचे करावे मनाचे

  B) हरिण व जंगल      

C)  प्रलोभनाचा बळी    

D) मूर्ख हरिण

➖➖➖➖➖➖➖➖➖➖

6】 शिकारी हरणाची शिकार करतात ....

 A ) झाडावर बसून    B) दाट पानाचे आड़ लपून   C) फ़ळे फेकून मारून    D) गोड बोलून

➖➖➖➖➖➖➖➖➖➖

7】सहकार्यानी हरणाचे म्हणणे ऐकले असते तर ...

  A ) त्याला फ़ळे खायला मिळाली नसती B) त्याला जंगलात फिरायल मिळाले नसते     C) त्याचा जीव वाचला असता    D) जंगलातिल प्राणी वाढले असते.

➖➖➖➖➖➖➖➖➖➖

8】शिकाऱ्याने फ़ळे फेकली कारण ...

 A ) ती सड़की होती      

B) ती  पिकलेली नव्हती   

C)हरणाना आकर्षित करण्यासाठी    

D) यापैकी नाही

▪️▪️▪️▪️▪️▪️▪️▪️▪️

📝 विजय रा गिरी सर

जि प व प्रा शाळा शेलू खडसे 

ता रिसोड जि वाशिम 

8805577729

vijaygiri143.blogspot.com 

🥇📚🥇📚🥇📚🥇📚🥇📚🥇📚

आमची शाळा आमचे उपक्रम

➖➖〰️▪️〰️➖➖

🧒   जि प व प्राथमिक शाळा शेलू खडसे येथे  बाल आनंद मेळावा उत्साहात साजरा   🧒

दप्तरमुक्त शनिवार उपक्रमा अंतर्गत ,अभ्यासात रंजकता यावी,शालेय विद्यार्थ्यांना गणिती माहितीचा व्यवहारात वापर करता यावा तसेच नफा तोटा , शेकडेवारी या संकल्पना मूर्त रुपात समजाव्या या उद्देशाने

जि प व प्राथमिक शाळा शेलू खडसे येथे शनिवार दिनांक 19/11/22 रोजी बाल आनंद मेळावा उत्साहात साजरा करण्यात आला. प्रसंगी चिमुकल्यानी विविध खाद्य पदार्थाचे दुकाने लावली होती. सर्व मुलांनी व पालकांनी विविध खाद्य पदार्थाचा आस्वाद घेतला. मुलानी खरी कमाईचा आनंद घेतला त्याच बरोबर यातून गणित ही शिकले. यावेळी  सर्व शाळा व्यवस्थापन समिति सदस्य व गावकऱ्यानी उत्स्फूर्त प्रतिसाद दिला. उपक्रमाचे यशस्वितेसाठी  शालेतिल सर्व शिक्षकवृन्दानी मेहनत घेतली. 

उपक्रमाची काही क्षणचित्रे.......

❱❱ मिशन नवोदय 2023 ❰❰ 

   दिनांक - 17/11/2022

▪️खालील उतारा काळजीपूर्वक वाचा व त्यावरील प्रश्नांची उत्तरे शोधा

     〇 उतारा 12 〇 

════════════════

 दोन व्यक्ती आपसात भांडत होत्या. एकजण धनाला तर दुसरा बुद्धीला सर्वश्रेष्ठ म्हणत होता. काहीच मार्ग निघत नाही हे पाहून दोघेही देशाच्या राजाकडे गेले आणि न्याय मागू लागले. राजाही काही निर्णय घेवू शकला नाही. त्याने एक पत्र देवून त्या दोघांना रोमच्या सम्राटाकडे पाठविले. जेंव्हा दोघांनी ते पत्र रोमच्या सम्राटाला दिले तेंव्हा त्यातील गोम ओळखून त्याने त्या दोघाना फाशी देण्याची आज्ञा केली. हे ऐकताच दोघांनीही एकमत करण्याचे ठरविले. बुद्धीवानाने धनवानास म्हंटले,"तू समजतोस धन मोठे आहे तर धनाने आता आपल्या प्राणांची रक्षा कर बघू." धनवानाचे प्रयत्न कामी आले नाहीत. त्याने हार पत्करत बुद्धीवानास प्राण रक्षण करण्याची विनंती केली. बुद्धिवान म्हणाला फाशीवर चढताना आपण एकमेकास पुढे ढकलायचे, पुढील गोष्ट मी सांभाळून घेतो. त्याप्रमाणे त्यांनी केले. प्रथम फाशी जाण्यासाठी दोघे धक्काबुक्की करू लागले तेंव्हा रोमच्या सम्राटाने कारण विचारले. बुद्धीवान म्हणाला,"आमच्या राजाला ज्योतिष्याने सांगितले आहे, मी जेथे मरेन तेथे भयंकर दुष्काळ पडेल आणि माझा मित्र जेथे मरेल तेथे महामारी पसरेल.

  त्यामुळे मी मरण्याचा विचार करतो कारण लाखो लोक महामारीपासून बचावतील. आम्हाला फाशी तर आमच्या देशातही देता आली असती पण आमच्या राजाने देशावरचे संकट तुमच्या पदरात टाकले आहे. आता कुणाला फाशी देता ते सांगा?" त्या बरोबर रोमच्या सम्राटाने दोघांची सजा माफ केली. अशा प्रकारे बुद्धीवानाने धनवानाचा जीव स्वतः बरोबर वाचविला.

════════════════

1) काहीच मार्ग निघत नाही हे पाहून दोघेही गेले ...

A) राजाकडे   

B)सम्राटाकड़े     

C) ज्योतिष्याकड़े  

 D) गावाकडे

2) राजाने एक पत्र देवून त्या दोघांना ...........कड़े पाठविले.

A) रोमाच्या राजाकडे   

B) रोमच्या सम्राटाकड़े     

C) ज्योतिष्याकड़े  

 D) गावाकडे 

3) वरील गोष्टीचे तात्पर्य काय आहे?

A) बुद्धि व धन दोन्ही श्रेष्ठ आहेत.

B)बुद्धि व धन दोन्ही यापैकी कोणीही श्रेष्ठ नाहीत.

C)बुद्धी हि सर्वश्रेष्ठ आहे.

D) प्रश्न सोडविन्या साठी भांडण करावे.

4) दुष्काळ या शब्दाचा विपरीत अर्थाचा खालीलपैकी शब्द कोणता ?

 A) वाईट काळ   B)  सुकाळ    C)  सुवर्ण  काळ D) यापैकी नाही

5)अखेर फाशी वाचविन्यात कोण यशस्वी ठरले ?

A) सम्राट      C) बुद्धिवान

B) धनवान   D) जोतिष्य 

6) बुद्धिवानाचे सांगण्यानुसार जर त्याला फाशी दिली असती तर......

A) तो मरेन तेथे भयंकर महामारी पडेल आणि त्याचा मित्र जेथे मरेल तेथे भयंकर दुष्काळ पसरेल B)    तो मरेन तेथे भयंकर दुष्काळ पडेल आणि त्याचा मित्र जेथे मरेल तेथे महामारी पसरेल. C)  देशावरील संकट नष्ट झाले असते.

D)लाखो लोक महामारीपासून वाचतील.

7) वरील उताऱ्यावरुन बुद्धि वानाचा कोणता गुण दिसून येतो ?

A) स्पष्टवक्तेपणा   C) प्रसंवधान

B) नम्रता   D) धाडशीपणा

8)त्याने हार पत्करत बुद्धीवानास प्राण रक्षण करण्याची विनंती केली. येथे

*पत्करत* म्हणजे 

A) पाठवत

B)आदेशित करत

C) स्वीकारत

D) नाकारत

9) उताऱ्यात कामी येणे या वाक्यचाराचा अर्थ आहे?

A) उपयोगी पडणे

B) कमी होणे

C)नाहीसे होणे

D) अदृश्य होणे

10) साथीच्या रोगाने अनेक लोक मरणे यासाठी योग्य शब्द कोणता ?

A) आस्मानी संकट

B)दैवी संकट

C)महामारी

D) मानवनिर्मित संकट

▪️▪️▪️▪️▪️▪️▪️▪️▪️

🥇📚🥇📚🥇📚🥇📚🥇📚🥇📚

पूर्व उच्च प्राथमिक शिष्यवृत्ती परीक्षा (इयत्ता ५ वी) व पूर्व माध्यमिक शिष्यवृत्ती परीक्षा (इयत्ता ८ वी) फेब्रूवारी - २०२३ 

शिष्यवृत्ती परीक्षा - १२ फेब्रुवारी २३ रोजी होणार 

नियमित शुल्कासहीत फॉर्म भरण्याची तारीख

16 नोव्है ते 15 डिसेम्बर

संपूर्ण माहितीपत्रक खालील लिंक वरुन डाऊनलोड करा

शिष्यवृत्ती परीक्षेफॉर्म भरण्यासाठी खालील CLICK HERE बटनाला क्लिक करा.  ➖

अत्यंत महत्त्वाचे ➖  

सदरील पत्र व लिंक हे केवळ शिक्षकांच्या सोयीसाठी व माहितीसाठी इथे ठेवण्यात आलेले आहे. सर्व हक्क महाराष्ट्र राज्य परीक्षा परिषद पुणे यांच्या स्वाधीन आहेत.

 ❱❱ मिशन नवोदय 2023 ❰❰ 

   दिनांक - 16/11/2022

▪️खालील उतारा काळजीपूर्वक वाचा व त्यावरील प्रश्नांची उत्तरे शोधा

     〇 उतारा 11 〇 

═══════════════

             एक जंगल होते. त्या जंगलात एक विचित्र आकाराचे झाड होते. त्याचे खोड आणि फांद्या आडव्यातिडव्या पसरल्या होत्या. या झाडाच्या भोवतालची झाडे उंच व सरळसोट वाढलेली होती. या छान आकाराच्या उंच झाडांकडे पाहून वेड्यावाकड्या झाडाला वाटायचे,” ही झाडे किती छान आणि सरळसोट आहेत!” मग दुःखी स्वरात ते स्वतःशीच म्हणायचे,” मी किती दुर्दैवी आहे! मी एकटाच असा वेडावाकडा आणि कुरूप का?”

एके दिवशी एक लाकूडतोड्या त्या जंगलात आला. वेड्यावाकड्या झाडाकडे पाहून तो म्हणाला,” हे वेडेवाकडे झाड माझ्या अजिबात उपयोगाचे नाही.” मग त्याने छानशी, सरळ वाढलेली काही झाडे निवडली. त्या झाडांवर कुऱ्हाडीचे सपासप घाव घातले आणि ती तोडली.

त्यानंतर मात्र त्या वेड्यावाकड्या झाडाला आपल्या कुरुपतेबद्दल कधीच दुःख झाले नाही. खरे तर कुरुपतेमुळेच ते झाड लाकूडतोड्याच्या कुऱ्हाडीपासून वाचले होते.

════════════════

*1) वरील गोष्टीचे तात्पर्य काय आहे?* 

A)आपल्याजवळ जे आहे त्यात समाधान माना.

B)माणसाने सुंदर असावे.

C)माणसाने सरळ असावे.

D) जंगलतोड़ करु नये.

*2) सूंदर या शब्दाचा विपरीत अर्थाचा उताऱ्यात आलेला शब्द कोणता ?*

 A) वेडावाकडा   B)  देखणा    C)  कुरूप   D) असुंदर

*3) जंगलातील झाड़ दुःखी का होते ?* 

 A) ते सरळ होते म्हणून

    B) त्याचे भोवती झाड़े नव्हती म्हणून  

C)ते कुरूप होते म्हणून

 D) ते वाळलेले होते म्हणून

*4)लाकुड़तोड्याने कोणती झाडे तोड़ली ?* 

A) हिरवी    B)  सरळ   C) रस्त्याच्या कडेची  D) सरळसोट

*5) शेवटी त्या झाडाला आपल्या कुरूपते बद्दल दुःख वाटले नाही कारण  .....*

A) त्यामुळे ते लाकुड़तोड्याला दिसले नाही   B) त्यामुळेच ते तोडन्यापासून बचावले    C)त्याची कीमत वाढली  D) त्याला अवतीभोवती मोकळी जागा तयार झाली.

*6) सुदैवी या शब्दाचा कोणता विरुधार्थी शव्द उताऱ्यात आलेला  आहे?* 

A) छान     B) सरळसोट    C) चांगलादैवी   D) दुर्दैवी

7) खालील पैकी कोणते विशेषण झाडासाठी वापरले नाही?

A) सरळसोट     B)कुरूप     C) वेडेवाकडे    D) हिरवेगार

vijaygiri143.blogspot.com 

🥇📚🥇📚🥇📚🥇📚🥇📚🥇📚

 📗पंडित नेहरू(सामान्यज्ञान प्रश्नावली)

१) ' भारताचा शोध ' हे पुस्तक कोणी लिहिले आहे ?

२) पंचशील तत्त्वांचा पुरस्कार कोणी केला 

३) पंडित जवाहरलाल नेहरू यांना कोणत्या टोपण नावाने ओळखतात ?

४) ' आराम हराम है ! ' हे घोष वाक्य कोणी दिले ?

५) पंडित नेहरूंच्या समाधी स्थळाचे नाव काय ?

६) पंडित नेहरूंचा जन्म कोणत्या वर्षी झाला ?

७) स्वतंत्र भारताचे पहिले पंतप्रधान कोण होते ?

८) पंडित नेहरूंचे निधन (मृत्यू) कोणत्या वर्षी झाले ?

९) पंडित नेहरूंचा जन्म कोणत्या शहरात झाला ?

१०) पंडित नेहरूंच्या आईचे नाव काय होते ?

११) पंडित नेहरूंच्या वडिलांचे नाव काय होते ?

१२) पंडित नेहरूंच्या पत्नीचे नाव काय होते ?

१३) पंडित नेहरूंच्या मुलीचे नाव काय होते ?

१४) कोणाचा जन्मदिन बालदिन म्हणून साजरा केला जातो ?

==========================   

उत्तरे-  १)पंडित जवाहरलाल नेहरु  २) पंडित जवाहरलाल नेहरू  ३)चाचा   ४)'पंडित जवाहरलाल नेहरू ५)शांतीवन  ६)१४ नोव्हेंबर १८८९  ७)पंडित नेहरू  ८) २७ मे १९६४   ९) अलाहाबाद (उत्तरप्रदेश)  १०) स्वरूपरानी        ११) मोतीलाल नेहरू  १२) कमला नेहरू  १३)इंदिरा गांधी १४)पंडित नेहरू

 ❱❱ मिशन नवोदय 2023 ❰❰ 

  खालील उतारा काळजीपूर्वक वाचा व त्यावरील प्रश्नांची उत्तरे शोधा

     〇 उतारा 10 〇 

════════════════

             दुर्गम भागात फिरताना तीन साधुना एक झोपडी दिसते, ते झोपडीचा दरवाजा वाजवतात. घरातील महिला त्यांच्याकडे विचारणा करते,"आपण कोण आहात? आणि आपल्याला काय हवे आहे?" ते म्हणतात,"आम्ही तिघे भुकेले आहोत, अन्नाची काही व्यवस्था करा." झोपडी बाहेरील झाडाखाली विश्रांती करण्याची विनंती करत महिला पुन्हा घरात गेली, काही काळानंतर बाहेर येत ती तिन्ही साधूना जेवणासाठी आमंत्रित करते. तेंव्हा साधू म्हणतात," आमच्यापैकी केवळ एकचजण फक्त तुझ्या घरात प्रवेश करू शकतो." महिला आश्चर्यचकित होते व विचारते," असे का? भूक तिघानाही लागली आहे. पण येणार मात्र एकचजण?" साधू म्हणतात," हा आमच्यातील करार आहे. आमच्यातील एक "वैभव" आहे. तर दुसरा "यश" आणि तिसरा "प्रेम". आता तू ठरव कि आमच्यातील कोणाला आत बोलवायचे?" महिला गोंधळून जाते.

     ती पुन्हा घरात जाते, नवऱ्याशी चर्चा करते आणि बाहेर येते व "प्रेम" नावाच्या साधूला जेवणासाठी निमंत्रण देते. प्रेम घरात येताच त्याच्या पाठोपाठ "वैभव" आणि "यश" साधू पण जेवणासाठी घरात येतात. महिला पुन्हा गोंधळून जाते, तेंव्हा साधू म्हणतात," मुली ! तू प्रेम मागितले, त्या पाठोपाठ यश आणि वैभव तुझ्या घरात प्रवेशकर्ते झाले, पण तू वैभव किंवा यश यांना जर पाचारण केले असते तर आमच्यातील दोघे उपाशी राहिले असते." महिलेने तिघांचे यथायोग्य स्वागत करून त्यांचे आदरातिथ्य केले.

1) वरील उताऱ्यात किती व्यक्तिचा उल्लेख आलेला आहे ? 

A) 2  B)   3   C)  4   D) 5

2) दुर्गम म्हणजे ....

A) दुर्मिळ B)  जाण्यास कठिण   C)  दुरवरचे  D) सहज जाता येणारे

3)तिघा साधूनी महिलेकडे कशाची याचना केली ?

 A) पाण्याची  B)  जेवणाची   C) विश्रांतीची   D) कपडयाची

4) बोलावणे या शब्दासाठी उताऱ्यात आलेला शब्द कोणता ?

A) पाचारण करणे B)   निमंत्रण देने   C)  आमंत्रित करने  D) वरील सर्व पर्याय बरोबर

5) साधुना झाडाखाली बसण्याची विनंती करून महिला घरात गेली ?

A) काम आवरायला  B) किती वाजले बघायला   C) पतिशी  चर्चा करायला  D) अश्याने ते साधु कंटाळून निघुन जातील म्हणून

6)महिला आश्चर्यचकित होते कारण ---

A) तिनही जणांना जेवायचे असते  B) साधु आपल्याच घरी का आले असावेत    C) तिघाना भूक असून केवळ एकच जन आत येणार  D) साधुचा आड़मुठ पणा पाहुन 

7) खालील पैकी कोण साधुच्या रुपात नव्हते

A) वैभव B)   यश   C) माया    D) प्रेम

8) जर महिलेने वैभव किंवा यश याना घरात बोलावले असते तर ....

A) महिला श्रीमंत झाली असती  B) इतर दोघे उपाशी राहले असते   C) साधु नाराज झाले असते D) यापैकी नाही 

9 )पाहुणचार या अर्थाने उताऱ्यात आलेला शब्द

A) दुर्गम  B)  यथायोग्य  C) आदरतिथ्य D) स्वागत

10) वरील उताऱ्यात किती व्यक्तिचा प्रत्यक्ष उल्लेख आलेला आहे ?

A) 2  B)   3   C)  4   D) 5

  vijaygiri143.blogspot.com 

🥇📚🥇📚🥇📚🥇📚🥇📚🥇📚

 💥🌈अखेर शिष्यवृत्ती परीक्षा अंतरिम निकाल २०२२ जाहीर 

Scholarship Exam Interim Result 2022

🔷 शाळेचा एकत्रीक निकाल

हा  निकाल पाहण्यासाठी आपल्याकडे शाळेच्या udise व पासवर्ड असणे आवश्यक आहे . खालिल लिंक वरुन निकाल पाहू शकता⬇️⬇️⬇️⬇️⬇️

🌀विद्यार्थ्यांचा वैयक्क्तिक निकाल याठिकाणी आपण पाहू शकता.⤵️

(फक्त बैठक क्रमांक आवश्यक)

➡️सर्व विद्यार्थी व शिक्षकांपर्यंत पोस्ट शेयर करा.